MUQDISHU, Somalia 14/11/2023 – Raktarka Jaamacadda Ummadda Soomaaliyeed Prof. Hassan Osman Ga`al, ayaa shir-gudoomiyay shirka Agaasimayaasha maamulka Jaamacadda. Kulanka oo ay sidoo kale goobjoog ka ahaayeen raktar xigeenada iyo agaasimayaasha xafiisyada kala duwan ee Jaamacadda.
Shirka ayaa diiradda lagu saaray sidii loo dardar gelin lahaa fulinta iyo hirgelinta qorshayaasha Jaamacadda.
Raktarka Jaamacadda Ummadda Soomaaliyeed Prof. Hassan Osman Ga`al, ayaa Agaasimayaasha faray fulinta qorshayaasha JUS, isga oo kula dardaarmay in ay si hufan ugu shaqeeyaan bahda Jaamacadda si loo xaqiijiyo in Istraatiijiyada iyo yoolka guud ee Jaamacada. Waxaa kale oo uu carabka ku adkeeyay in loo baahan yahay wada shaqayn dhex marta waaxyaha iyo qaybaha kala duwan ee Jaamacadda.
Masuuliyiinta ka qaybgalay shirka ayaa ka hadlay arrimo badan oo la xiriira hirgelinta qorshayaasha Jaamacadda. Waxaana ka mid ahaa:
Horumarinta barnaamijyada Waxbarashada cusub
Qorshaha Miisaaniyadda Sanadka 2024
Horumarinta awoodaha cilmi-baarista iyo horumarinta Jaamacadda
Ugu danbayn raktarka ayaa uga mahad-naqay agaasimayaasha ka soo qayb-galay kulanka iyo sida ay uga go’an tahay in Jaamacadda hormarkeeda ka qayb qaataan. Waxa uu sheegay in uu ku kalsoon yahay in Jaamacaddu ay sii wadi doonto ka midho dhalinta himilooyinka ay hormuudka ka yihiin.